முனைவர் க.கலா துணைவேந்தர், அன்னை தெரசா மகளிர் பல்கலைக்கழகம், கொடைக்கானல். அணிந்துரை : சரியான சாட்டையடி "மங்கையராய் பிறப்பதற்கே நல்ல மாதவம் செய்திட வேண்டுமம்மா!' என்னும் கவிமணியின் வாக்கிற்கிணங்க இப்பூவுலகில் அவதரித்த, பெண்மணிகள் யாவருமே மாதவம் செய்தவர்கள். அந்த வரிசையில் நமது நூலாசிரியர் "வினிதா மோகனும்' ஒருவர். இல்லறத்தைப் பேணுதலோடு தன் கடமையை நிறுத்திக் கொள்ளாது, படைப்புலகிலும் தடம் பதிக்க வேண்டும் என்னும் முனைப்போடு புறப்பட்டிருக்கும் அன்பு மகள் வினிதா மோகனுக்கு "படைப்புலகில் முத்திரை படைக்க, சித்திரைப் பெண்ணிற்கு சீர்மிகு சித்திரை வாழ்த்துகள்" ஒரு சிறந்த படைப்பென்பது படைப்பாளனின் ஆளுமையைப் பறைசாற்றும். அப்படைப்பானது சிறுகதை, நாவல், கவிதை, கட்டுரை என எந்தப் பரிணாமத்திலும் இருக்கலாம். அப்படிப்பட்ட அப்படைப்பானது, படைப்பாசிரியரின் முழு ஆளுமைத்தன்மையோடு மிளிரும் என்பதில் எள்ளளவும் ஐயமில்லை. அந்த வகையில் "வினிதா மோகனின்" சிறுகதை நூலான இத்தொகுப்பில் 15 கதைகளையுமே சீரிய சிந்தனையோடு படைத்துள்ளார். அனைத்துக் கதைகளுமே நமது நிகழ்காலத்தை நம் நெற்றிப்பொட்டில் அறையும் வண்ணம் எடுத்தியம்பியுள்ள விதமும், கதைத் தேர்வும் இச்சிறுகதை நூலுக்கு மேலும் அணி சேர்க்கின்றன. எதார்த்தமாகக் கதைப் பின்னலை அமைத்து, தான் சொல்ல வந்த விடயத்தைத் தெளிவாக எடுத்துரைக்கும் பாங்கும். சுருங்கச் சொல்லி விளங்க வைக்கும் அழகும் பாராட்டுதலுக்கும் போற்றுதற்கு உரியது. முதல் கதையான "பகுத்தறிவின் சிறப்பு" என்பதில் நம் அன்றாட வாழ்வில் நடக்கும், காலம் காலமாக ஊறிப்போன சமூக நிகழ்வைப் பகுத்தறிவுக் கண்ணோட்டத்துடன் நோக்கும் விதமாக அமைத்தது கதையின் சிறப்பம்சம் ஆகும். சமூகத்தில் மனிதர்களின் மூடநம்பிக்கைகளும் அதைப் பின்பற்றும் படித்தவர்களும் நிறைந்த இந்த உலகில் "நறுமுகை" கதாபாத்திரத்தின் வாயிலாக நூலாசிரியர் செய்தது சமூக, சமுதாயப் புரட்சி. குழந்தை பிறந்தால் தீட்டு பூப்பெய்தால் தீட்டு, இறந்த வீட்டில் தீட்டு என நம் சமூகத்தில் படித்த மக்களும் பின்பற்றும் மூடப்பழக்க வழக்கங்களுக்குச் சரியான சாட்டையடி இக்கதைக்கருவாகும். "அகத்தினியனின் அகம்" எனும் மனம்சார் உளவியல் ரீதியான சிறுகதையும் மாறுபட்ட கோணத்தில் படிப்போரை உயரிய சிந்தனைக்கு இட்டுச் செல்லுகிறது. "அர்த்தநாரீஸ்வரி" கதையில் நட்பின் புரிதலும் அழகும் வெளிப்படும் விதத்தில் நூலாசிரியர் பரிமளிக்கிறார். பயன்தூக்கார்" என்னும் கொரோனா நோய் தொடர்பான மனிதம் போற்றும் சிறுகதையும் "மயூரன்" எனும் கதாப்பாத்திரத்தின் வழியாகவும், "மனம் ஒரு கோவில்" என்னும் சிறுகதையிலும் "முகுந்தன்" என்னும் கதாபாத்திரத்தின் வழியாகவும், நூலாசிரியர் தன் மனக் கருத்தை முன்வைத்திருப்பதும் இந்நூலுக்குக் கூடுதல் சிறப்பு. இங்ஙனம் "கேள்வியே வேள்வியாய்", "திருமுகம் என்றால்", "இதயகர்ஜனை 'எனக் கதைகள் அனைத்திலுமே தனது நேர்மையான சிந்தனைகளை, சமூகம் தொடர்பான தன் ஆதங்கங்களைக் கருத்துகளாகத் தொடுத்து நேர்த்தியாக வெளிப்படுத்தியுள்ள வினிதா மோகனின் எழுத்தாற்றல், பாராட்டுதலுக்கும் வரவேற்புக்கும் உரியது. சம கால சிறுகதை எழுத்தாளர்களைப் போல 'காதல், காமம்' எனப் பயணப்படாமல் ஒவ்வொரு கதையையும் கருங்கல்லை உளி கொண்டு செதுக்கி சிற்பமாக்கும் சிற்பியின் முயற்சியையும் உழைப்பையும் கொண்டு சிறப்பாக வடிவமைத்திருக்கிறார், செதுக்கியிருக்கிறார். "கண்மூடிப் பழக்கமெல்லாம் மண்மூடிப் போக", என்னும் வள்ளலாரின் கூற்றுப்படி இச்சமூகத்தில் கண்களை மூடிக் கொண்டிருக்கும் பழக்கமும் போகட்டும். கண்களைத் திறந்தால் மட்டுமே காட்சி கிடைக்கும். அதுவே அகப்புற வளர்ச்சிக்கு வித்திடும். வள்ளல் பெருமானின் அடியொற்றில், இத்தகைய சமூகம் சார்ந்த ஆர்வலர்கள் எழுத்தாளர்களாக வலம் வந்தால் இன்றைய இளைஞர்களுக்கும், சமூகத்தில் உள்ள பலதரப்பட்ட மக்களுக்கும் சரியான பாதையைக் காட்டுவார்கள் என்பது திண்ணம். பட்டை தீட்டப்பட்ட வைரங்களாக ஜொலிக்கும் பதினைந்து சமூகம் சார் சிறுகதைகளைப் படைத்த அன்பு மகள் வினிதா மோகனுக்கு என் இதயக்கமலத்திலிருந்து வாழ்த்துப் பூக்களைத் தூவுகிறேன். தமிழ்கூறும் நல் உலகம் இவரின் எழுத்தாற்றலை சிறப்பிக்கும். வாழ்க வளமுடன் நலமுடன்!! என்றும் அன்புடன், முனைவர் க.கலா துணைவேந்தர் VICE CHANCELLOR Mother Teresa Women's University Kodaikanal

சாம்பலில் இருந்து உயிர்த்தெழும் பீனிக்ஸ் பறவையைப் போல சமுதாயத்தின் அடித்தட்டில் இருந்து ஃபீனிக்ஸ் பறவையாய் தமக்குத்தாமே உருவமும் உயரமும் கொடுத்து சிகரம் தொட்ட சாதனைப் பெண்களின் வரலாறு! சாதிக்கத் துடிக்கும் பெண்களுக்காக சாதித்து உயர்ந்த சகோதரி வினிதா மோகன் அருமையான மொழிநடையில் இன்றைய இளைய தலைமுறையினர் ரசிக்கும் வகையில் தன்னம்பிக்கை விருந்து படைத்துள்ளார். ஃபீனிக்ஸ் பெண்கள் அவருடைய முதல் புத்தகம் என்பதை நம்ப மறுக்கிறது மனம். வியாபாரம், குடும்பம், சமூக சேவை ஆகிய மூன்று துறைகளிலும் தனக்கென தனி முத்திரை பதித்த சகோதரி வினிதா தற்பொழுது தனது முதல் புத்தகத்திலேயே எழுத்துத் துறையிலும் தனக்கான சிறப்பிடத்தை அழுத்தமாகப் பதிவு செய்திருக்கிறார். சாதிக்கத் துடிக்கும் ஆண் பெண் ஒவ்வொருவரின் கையிலும் இப்புத்தகம் தவழ வாழ்த்துக்கள். முனைவர் சொ.ராமசுப்ரமணியன் (முதன்மை முதல்வர், கரூர் பரணி பார்க் கல்வி நிறுவனங்கள்) மேனாள் உறுப்பினர், தேசிய ஆட்சி மொழி ஆலோசனைக் குழு, இந்திய அரசு - பாதுகாப்பு அமைச்சகம், புது தில்லி.

05.07.2021 எழுத்தாளர் #ஆண்டாள்பிரியதர்ஷினி, அவர்களின் "#பீனிக்ஸ்பெண்கள்" நூல் பற்றிய மதிப்புரை: சாம்பலின் உயிர் வாசனை அவளின் இருப்பு - பெரும்பாலும் வரலாற்றின் பக்கங்களில் பதிவு வைக்கப் படுவதில்லை. பிரபஞ்சத்தை நிறைத்திருக்கும் காற்றில் அவளுக்கும் பங்கு இருக்கிறது என்பது உணரப்படுவதில்லை. வரலாறு என்னும் “HISTORY” எப்போதும் “HIS STORY” என்று மட்டும் உருவகிக்கப்படுகிறது. இவை எல்லாவற்றையும் மீள்பார்வை செய்யவும் , அவளின் இருப்புக்குக் கட்டியம் கூறவும், வரலாறு என்பதை “HES STORY” என்றாக்கவும் முனைந்து வெற்றி பெற்றிருக்கிறார் கரூர் வினிதா மோகன் “பீனிக்ஸ் பெண்கள்” என்னும் படைப்பின் வாயிலாக. கீழே விழுந்தாலும், இழந்தாலும் எழுந்து நிற்க வேண்டும் . அதுதான் வாழ்க்கையின் அடையாளம். வாழ்தலின் அடையாளம். மூக்கு விடும் மூச்சு மட்டுமல்ல அடையாளம் என்பதை 175 பக்கங்களின் ஆயிரக் கணக்கான வார்த்தைகளில் பதிவு செய்திருக்கிறார் வினிதா மோகன். பீனிக்ஸ் என்பது லட்சியத்தின் குறியீடு. சூரியனைத் தொட்டுவிட வேண்டும் என்பதைப் பறத்தலின் இலக்காகக் கொண்டது பீனிக்ஸ். சூரியனின் கொதிநிலை உயிரைப் பொசுக்கும் என்றாலும் சூரியனைத் தன் சிறகுகளுக்குள் பொதிந்து கொள்ள வேண்டும். சூரியனின் உச்சியில் தான் சென்று அமரவேண்டும் என்பதான இலக்குகள் கொண்ட பீனிக்ஸ் சூரிய நெருப்பில் கருகி ,உருகி ,பொசிந்து சாம்பலானாலும் - சாம்பலின் கருவறையிலிருந்து மீண்டும் உயிர்த்தெழுகிறது. இது பறவையின் இயல்பும் , கதையும் மட்டுமா? பீனிக்ஸின் படிமத்தில் பெண்ணை இருத்திவைத்தால் அவளுக்கும் முற்றமுழுக்கப் பொருத்தப்பாடு கொண்டதுதானே..? இந்த வாழ்க்கையின் உயிர்ப்பை இப்படியாக நிலைநிறுத்திக் கொண்ட இருபது பீனிக்ஸ் பெண்கள் அல்லது பெண் பீனிக்ஸ்களின் ராஜபாட்டை தான் இந்த நூல் . ராஜபாட்டை என்பதால் சிவப்புக் கம்பளத்தில் நடந்து சென்று சிம்மாசனத்தில் உட்கார்ந்தது எப்படி என்று தேவதைக் கதையைச் சொல்லவில்லை படைப்பாளர் வினிதா மோகன். வாழ்க்கை முழுக்க முள்பாதைகள் பயணம். நிராகரிப்புகள் . மறுப்புகள் . தோல்விகள் . வழியெல்லாம் வலிகள் . முட்டுச்சந்துகள் . ஓரடி நகர்ந்தால் ,ஈரடி வழுக்கும் சேற்று நிலங்கள் . தகிப்புகள் . தவிர்ப்புகள் . துடிப்புகள் . வெடிப்புகள் . உராய்வுகள் . சிராய்ப்புகள் . குருதிகள் . காயங்கள் . பிரிவுகள் . உறவு முறிவுகள் . இவற்றால் கட்டமைக்கப்பட்ட பொழுதுகளே இந்தப் பெண்களின் வாழ்க்கை என்று பெயர் பெறுகிறது . ஆனால் ஊழையும் உப்பக்கம் காண்கிறார்கள் உலைவின்றித் தாழாது உஞற்றுபவர்களாகி, இத்தனை நெருப்புப் பள்ளத்தாக்குகளையும் உலைவின்றித் தாழாது உஞற்றுபவர்களாகி இத்தனை நெருப்புப் பள்ளத்தாக்குகளையும் ஒவ்வொரு நொடியாகத் தாண்டித் தாண்டி விஸ்வரூபம் எடுக்கிறார்கள். இந்த எரிமலைக் கதைகளை நெருப்பின் தகிப்பு குறையாமலும் , சாதனையின் துடிப்பு மறையாமலும் சொல்லியிருப்பது வினிதா மோகன் சாதனை. உலகளாவிய பூகோளப்பரப்பின் பெண்களை , நம் மனசுக்கு நெருக்கமான மொழியில் சொல்லுவது படைப்பாளருக்கு வாய்த்திருப்பது - வினிதா மோகன் மொழி ஆளுமைக்குச் சான்று. நூலின் ஒவ்வொரு வார்த்தையும் தீப்பந்தம் சுமக்கிறது. புகாரையும் , புலம்பலையும் , சோம்பலையும் பொசுக்கி எரித்து , அந்தச் சாம்பலின் பூவாகப் பெண்கள் ஆளுமைகளாக விஸ்வரூபிக்க வேண்டும் . இந்த நூலை வாசித்த யாருமே தோற்று விட முடியாது . வெற்றிக்கான மந்திரக்கோலை நூலாக்கித் தந்திருக்கிறார் நூலாசிரியர். கட்டுரைகளாகப் பக்கங்களை நிரப்பாமல் , புகைப்படங்களையும் இணைத்து பெண் வரலாற்றின் பக்கங்களை நிறைவு செய்திருக்கும் பதிப்பகத்தாருக்கும் வாழ்த்துகள். எழிலினி பதிப்பகம் மகளிர் எழுத்துக்கு மணிமகுடம் சூட்டுவதில் முனைந்து செயலாற்றுகிறது. அந்த மணிமகுடத்தின் நவரத்தின ஜொலிப்பு வினிதா மோகனின் பீனிக்ஸ் பெண்கள் . இன்னும் இன்னும் வெல்க..! எப்போதும் அட்சதைகளுடன் .... #ஆண்டாள்பிரியதர்ஷினி, எழுத்தாளர்.

10.08.2021 திருமதி. #சித்ராதேவிவேலுசாமி, சென்னை அவர்களிடமிருந்து "#பீனிக்ஸ்பெண்கள்" நூல் விமர்சனம். பீனீக்ஸ் பெண்கள்-வினிதா மோகன் தலைப்பு தமிழ் எழுத்துக்களை அழகு படுத்தி இருக்கிறது. எழுத்தும், தலைப்பும் அருமை. முகப்புப்படம்: தலைப்புக் கேற்றது வண்ணங்கள் மெருகு சேர்க்கிறது. பதிப்பகம்: கூடுதல் சிறப்புச் சமர்ப்பணம்-எழுத்துக்கள் வசீகரம்... பதிப்புரை,அணிந்துரை,வாழ்த்துரை,முன்னுரை நுகர்ந்து நூலின் உள்ளே... ஒரு பெண், ஒரு கூட்டை உடைத்துக் கொண்டு வெளிவருவது சாதாரணமான காரியமா?? எவ்வளவு அவமானங்களை, இன்னல்களை, கடந்து வரவேண்டியுள்ளது. அன்றல்ல இன்றும் தான். பலவகைப்பட்ட சிகரம் தொட்ட மாந்தர்கள் 20 பேரைத் தேர்ந்தெடுத்து, அவர்கள் எப்படி தங்களது சிறை கூட்டை உடைத்து ,தகர்த்து, தங்களது இடத்தை தக்கவைக்க, பல வேதனைகளையும், தடைகளையும், சிக்கல்களையும், தாண்டி வந்தார்கள்... என்பதை எழுதி இருக்கிறார் வினிதா மோகன் அவர்கள்... ஒவ்வொரு தலைப்பிலும் ஆரம்பம், மிகச்சிறந்த மேற்கோள்களுடனும் முடிவு தன்னம்பிக்கை வரிகளை உடையதாய்... அமைத்த விதம், அருமை. பொதுவாக இந்த 'பீனிக்ஸ் பெண்கள்' புத்தகம் இந்த 20 பெண்கள் எதிர்நோக்கிய சவால்களை எப்படி எதிர்கொண்டு சமாளித்தார்கள்?! என்பதை அறியவும், அவர்களது போராட்டங்கள், உறுதி, வைராக்கியம் நமக்கு வழிகாட்டுவதாகவும் அமைந்துள்ளது.

10.08.2021 திருமதி. #சித்ராதேவிவேலுசாமி, சென்னை அவர்களிடமிருந்து "#பீனிக்ஸ்பெண்கள்" நூல் விமர்சனம். பீனீக்ஸ் பெண்கள்-வினிதா மோகன் தலைப்பு தமிழ் எழுத்துக்களை அழகு படுத்தி இருக்கிறது. எழுத்தும், தலைப்பும் அருமை. முகப்புப்படம்: தலைப்புக் கேற்றது வண்ணங்கள் மெருகு சேர்க்கிறது. பதிப்பகம்: கூடுதல் சிறப்புச் சமர்ப்பணம்-எழுத்துக்கள் வசீகரம்... பதிப்புரை,அணிந்துரை,வாழ்த்துரை,முன்னுரை நுகர்ந்து நூலின் உள்ளே... ஒரு பெண், ஒரு கூட்டை உடைத்துக் கொண்டு வெளிவருவது சாதாரணமான காரியமா?? எவ்வளவு அவமானங்களை, இன்னல்களை, கடந்து வரவேண்டியுள்ளது. அன்றல்ல இன்றும் தான். பலவகைப்பட்ட சிகரம் தொட்ட மாந்தர்கள் 20 பேரைத் தேர்ந்தெடுத்து, அவர்கள் எப்படி தங்களது சிறை கூட்டை உடைத்து ,தகர்த்து, தங்களது இடத்தை தக்கவைக்க, பல வேதனைகளையும், தடைகளையும், சிக்கல்களையும், தாண்டி வந்தார்கள்... என்பதை எழுதி இருக்கிறார் வினிதா மோகன் அவர்கள்... ஒவ்வொரு தலைப்பிலும் ஆரம்பம், மிகச்சிறந்த மேற்கோள்களுடனும் முடிவு தன்னம்பிக்கை வரிகளை உடையதாய்... அமைத்த விதம், அருமை. பொதுவாக இந்த 'பீனிக்ஸ் பெண்கள்' புத்தகம் இந்த 20 பெண்கள் எதிர்நோக்கிய சவால்களை எப்படி எதிர்கொண்டு சமாளித்தார்கள்?! என்பதை அறியவும், அவர்களது போராட்டங்கள், உறுதி, வைராக்கியம் நமக்கு வழிகாட்டுவதாகவும் அமைந்துள்ளது.

28.07.2021 முனைவர் வா.நேரு, தலைவர், பகுத்தறிவு எழுத்தாளர் மன்றம், மதுரை. அவர்கள் அளித்துள்ள "#பீனிக்ஸ்பெண்கள்" நூல் விமர்சனம். தனது முதல் ஆட்டத்திலேயே சதமடித்த கிரிக்கெட் வீரர் போல, தனது முதல் படைப்பையே முத்தான படைப்பாக, "பீனிக்ஸ் பெண்கள் ' என்னும் தலைப்பில் எழுத்தாளர் வினிதா மோகன் கொடுத்திருக்கிறார். பீனிக்ஸ் பெண்கள் என்னும் இந்த நூல் ,20 பெண்களின் சாதனை வரலாறு.அந்த 20 பெண்கள், உலகத்தின் பல பகுதியைச் சார்ந்தவர்கள். அவர்கள் தங்கள் செயலால், மேன்மை மிக்க நோக்கத்திற்கான போராட்டத்தால், தனித்துவமான எழுத்தால், விண்ணில் பறந்த சாதனையால், சோதனைகளைத் தாண்டி மீண்டும் எழுந்ததால் அவர்கள் 'பீனிகஸ் பெண்கள்'. வினிதா மோகன், பீனிக்ஸ் பெண்களாக எழுந்த பெண்களின் சாதனைக்கு முந்தைய துன்பங்களைத் தொகுத்துக் கொடுத்திருக்கிறார். 65 சதவிகிதத் தீப்புண்கள் அடைந்த உடம்போடு, குணமடைந்து மீண்டும் உயிர்ப்பாய், துடிப்பாய் ஒரு பெண் இயங்கமுடியுமா?.. முடியும்! என்பதற்கு எடுத்துக்காட்டாக விளங்கும் 'துரியா பிட்' வியப்பைத் தருகின்றார்.துரியா பிட்டின் வாழ்க்கை வரலாற்றை,உணர்ச்சி ததும்பும் தனது விவரிப்புச்சொற்களால் வாசிப்பவரின் மனதிற்குள் புகுத்தி விடுகிறார் வினிதா மோகன். அமெரிக்காவின் கறுப்பு நிறத்துப்பெண்,பேருந்தில் வெள்ளை நிறத்து ஆட்கள் உட்காருவதற்காக எழுந்திருக்கச்சொன்னபோது, எழுந்திருக்க மறுத்து, ஒரு எழுச்சிமிக்க போராட்டத்திற்கு வழி வகுத்த 'ரோசா லூயிஸ் பார்க்கஸ் 'சரியான ஒன்றை நீ செய்யும்போது அதைச்செய்வதற்கு நீ ஒருபோதும் பயப்படக்கூடாது ' என்று சொன்னதை,அவரின் சொற்படியே அவர் வாழ்ந்ததை நன்றாகவே கட்டுரையாக ஆக்கியுள்ளார் நூலாசிரியர். உலக அழகியாக உயர்ந்த திருநங்கை ,ஏஞ்சலா போன்ஸ் அந்த நிலைக்கு வருவதற்கு முன்பு எப்படியெல்லாம் துன்பப்பட்டார், ஆனால் அதனை எப்படித் தனது உழைப்பால்,மதி நுட்பத்தால் வசப்படுத்தினார் என்பதனை விவரித்து 'புதிய சமுதாயம் என்பது அனைத்துப்பாலினத்தவரும் சமமாக மதிக்கப்படுவதாகும்' என்று குறிப்பிட்டு அந்த நோக்கத்தை நோக்கி நம்மைச் சிந்திக்க வைக்கிறார்.இவை சில எடுத்துக்காட்டுகள்."வாழ்வில் உங்களுக்குச்சோர்வை நீக்கி,அறிவையும் புத்துணர்ச்சியையும் கொடுத்து ,துடித்து எழத்தூண்டும் ஒரு உற்சாக டானிக் ' என்று இந்த நூல் பற்றி முன்னுரையில் வினிதா மோகன் குறிப்பிடுகின்றார்.உண்மைதான்.'சிறப்பு மிக்க நூலினை வெளியிடுவதில் பெருமிதம் கொள்கிறோம் ' எனப் பதிப்புரையில் எழிலினி பதிப்பகத்தார் குறிப்பிட்டுள்ளனர்.ஆமாம்,சிறப்பான நூல்,சிந்தனையைத் தூண்டும் நூலே 'பீனிக்ஸ்பெண்கள்'. வாழ்த்துகளும், பாராட்டுகளும் நூலாசிரியர் வினிதா மோகன் அவர்களுக்கு. முனைவர் வா.நேரு அவர்களுக்கு நன்றிகள்.

RID 3000's GML 2021

Review note about Phoenix Penkal' book published today in Noolveli page # Chennai Tamil Hindu (சென்னை இந்து தமிழ்) 11.04.2020

Review note about Phoenix Penkal' book published today in Noolveli page # Chennai Tamil Hindu (சென்னை இந்து தமிழ்) 11.04.2020

One of the Prestigious Rotary Club in our RIDistrict 3000 Rotary Club of Tiruchirapalli and First All Women Rotary Club in our District 3000 RC of Tiruchirapalli Shakthi. They both jointly celebrate Women's day. I'm very glad to part of their Women's day programme. Its a great honour for new Author like me. And Happy to be a first female Author in our RID 3000 through this Phoenix Penkal Book. My sincere Thanks to each and every one of you who take part my journey.

Small recognition for Phoenix penkal book from #All India Radio #Air Rainbow 102.1 FM in Tiruchirappalli "#Mangayar Ulagam" (#Women's World ) live program.

Feminism என்ற சொல்லை பலவாறு மொழியாக்கம் செய்கின்றனர்.பெண்நிலை வாதம் என்றும் பெண்ணியம் என்றும் மனநிலைக்கு தகுந்தவாறு மொழிபெயர்ப்பு செய்கின்றனர். இங்கு வாதத்தை நகர்த்தி பெண்ணியத்தை கையில் எடுத்துள்ளார் எழுத்தாளர் வினிதா மோகன். ஆக்க செயல்கள் பலபுரிந்த மகளிரின் பிறப்பிலிருந்து அவர்கள் வாழ்க்கையில் சாதனை செய்து முன்னேறியதை அற்புதமான இறந்தகால, நிகழ்கால சாதனைப் பெண்களை வரிசைப் படுத்தியுள்ளார். பெண்ணாகப் பிறந்தாலே பெரும் பீழை என்ற பெருங்கவியின் வார்த்தையை போல ஒவ்வொரு பெண்ணும் துயரத்தை வென்று வேதனைகளை சாதனைகளை அழகாக வெளிப்படுத்தியுள்ளார் தம் எழுத்து திறமையுடன். மூடிய வண்டியுள் சென்று ஆண்களுடன் சேர்ந்து படித்த முத்துலட்சுமி அம்மையார் நூறாண்டு முன்பு படித்த மருத்துவ சாதனையும் , ஸ்ரீ தர்மா பத்திரிக்கை நடத்தியதும் அரசியலில் முதல் பெண் சட்டசபை உறுப்பினர் ஆனதும் பெண் சமுதாயத்தின் முன்னோடியாகத் பாடுபட்டதும் விவரித்த விதம் மிகத் தெளிவு. ஹாரி பாட்டர் எழுதிய ஜெ கே ரவுலிங் பற்றி சோகம் பிழியப் பிழிய வாழும் ஒருவர் வெற்றி பெற்ற கதை வாழ்வியல் தத்துவம் ஆகிறது. இதுபோல் சாதனை படைத்த இருபது பெண்கள் பற்றி எழுதி வெற்றி ஊர்வலத்தில் நம்மையும் சுகமாக பயணிக்க வைக்கிறார். சுருங்கக் கூறின் வினிதா மோகனின் எழுத்து வண்ண ஓவியத்தில் நாமே வண்ணங்களாக மாறி படித்து மகிழ்ந்து நமக்குள் inspiration vibrate ஆவது உறுதி. வாழ்த்துகள் வினிதா மோகன். பூங்கோதை கனகராஜன் , கவிதை படைப்பாளர், எழுத்தாளர், சமூக ஆர்வலர்.

பீனிக்ஸ் பெண்கள்"(தன்னம்பிக்கை ஊட்டும் உலகளாவிய பெண்களின் வெற்றி வரலாறு.) இந்நூல் 2020 ஆம் ஆண்டின் மிக சிறந்த படைப்பாக வெளிவந்துள்ளது. இது மற்ற சுயசரிதை நூல்களில் இருந்து முற்றிலும் மாறுபட்டது. இந்நூலில் 20 பெண்களை பற்றி மட்டும் தெரிந்து கொள்ள போவதில்லை, நாம் யார் என யோசிக்க வைத்து நம் அடுத்த கட்ட நகர்விற்கு வழிவகுக்கிறது.